Karta so‘ralmaydi
Karta raqami, SMS kod, bank paroli — hech biri kerak emas. Sandiq bankka ulanmaydi va pulingizga tegmaydi: faqat siz yozgan yozuvlarni hisoblaydi.
Maxfiylik
Pulingiz sizniki, siri ham
Sandiq kartangizni so‘ramaydi va yozuvlaringizni begona ko‘zdan yopadi. Bu yerda — qanday ishlashi va qaysi ma’lumot qayerga boradi.
Ilova qulfi
PIN (4–6 raqam), chizma yoki barmoq izi. Qulf yoqilgach, ilova usiz ochilmaydi. PIN serverda faqat qaytarib bo‘lmaydigan xesh ko‘rinishida saqlanadi.
Botda summa ko‘rinmaydi
Qulf yoqilganda bot javoblarida summa o‘rniga ***** chiqadi: «✅ Yozildi». Telefoningizni olgan odam chatdan ham raqamni bilmaydi.
«Ko‘rinmas pul»
Shaxsiy cho‘ntak puli uchun yashirin bo‘lim. Alohida maxfiy PIN bilan ochiladi, umumiy hisobda ham, oilada ham ko‘rinmaydi. Botda «.» bilan boshlangan xabar chatda iz qoldirmaydi.
Maxfiylik siyosati (qisqa)
Bu matn soddalashtirilgan. Savol bo‘lsa, @SandiqUzBot orqali yozing.
Qanday ma’lumot saqlanadi
- Telegram’dagi ismingiz, foydalanuvchi raqamingiz va tilingiz — sizni tanish uchun.
- Siz yozgan yozuvlar: summa, toifa, izoh, sana; qarz, jamg‘arma va sozlamalar.
- Qulf va yashirin bo‘lim uchun — PIN yoki chizmaning qaytarib bo‘lmaydigan xeshi (PIN’ning o‘zi emas).
Nima saqlanmaydi
- Karta raqami, bank paroli, SMS kod — so‘ralmaydi va saqlanmaydi.
- Telefon raqamingiz va kontaktlaringiz — so‘ralmaydi.
Sun’iy intellekt
Ovozli xabar, chek surati va murakkab matn tahlil qilish uchun sun’iy intellekt xizmatiga yuboriladi — faqat summa va toifani aniqlash uchun. Oddiy xabar («non 8 ming») va «Ko‘rinmas pul» yozuvlari tashqariga yuborilmaydi: ular Sandiq’ning o‘zida ajratiladi.
Kim ko‘radi
Yozuvlaringizni faqat siz ko‘rasiz. Oila tuzsangiz, a’zolarga faqat ro‘zg‘or toifalaridagi xarajatlar va konvert qoldig‘i ko‘rinadi — daromad, qarz, jamg‘arma va «Ko‘rinmas pul» ko‘rinmaydi. Ma’lumotlaringiz reklama uchun sotilmaydi va uchinchi shaxsga berilmaydi.
O‘chirish
Ilovada Sozlamalar → Hisobni o‘chirish: barcha yozuvlaringiz butunlay o‘chadi. Ilovadan ma’lumotlaringizni yuklab olish ham mumkin.
Maxfiylik haqida savollar
Sandiq bank kartamga ulanadimi?
Yo‘q. Sandiq hech qanday karta raqami, SMS kod yoki bank ulanishini so‘ramaydi. Xarajatni o‘zingiz yozasiz.
Telefonimni boshqa odam olsa, raqamlarni ko‘radimi?
Qulf yoqilgan bo‘lsa, yo‘q. Ilova PIN, chizma yoki barmoq izisiz ochilmaydi, botdagi javoblarda esa summa o‘rniga ***** chiqadi.
«Ko‘rinmas pul» nima?
Shaxsiy cho‘ntak puli uchun yashirin bo‘lim. Alohida maxfiy PIN bilan ochiladi, umumiy hisobga va oilaga ko‘rinmaydi.
Ma’lumotlarimni o‘chirsam bo‘ladimi?
Ha. Ilovada Sozlamalar → Hisobni o‘chirish: barcha yozuvlaringiz butunlay o‘chadi.
Sirni saqlaydigan daftarni sinab ko‘ring
Ro‘yxatdan o‘tish va karta kerak emas. Telegram’da ochiladi.
Telegram’da bepul boshlash